BULUSAN LAKE, A Secret Lake By Bernadette Erlano

      


                Isa sa pinakamagandang lugar na aking napuntahan. Ang Bulusan Lake na matatagpuan sa Bulusan Sorsogon. Masasabi kong tunay na kawili-wili, kahanga-hanga at walang pinag-iwan na isang tunay na paraiso, ito ang Bulusan Lake na napaliligiran ng malalagong punung-kahoy at nasa tuktok ng bundok. Sa libis ng burol ay mayroon naman naglalakihan, makukulay at nag-papaligsahang mga magagandang bulaklak na wari’y kaakit-akit sa mga taong pumupunta. Mayroon naman kayak na sasakyan upang malibot ang napakalaking lawa na may kulay luntian na tubig at matatanaw ang isa sa pinakamalaking bulkan ng Bulusan. Lawa para sa sinuman na ibig mapag-isa upang lasapin ang biyaya ng tunay na katahimikan sa buhay at Makita ang kagandahan ng buong pusong inihain ng kalikasan. Ang malamig na simoy ng hangin dito ay nakapagpapadama na waring ang buhay ay walang katapusan. Sadyang napakasarap talagang mamasyal na tila malilimutan lahat ng problema sa sandaling iyon, kaya kung ako sa inyo halina’t magtungo sa isang lugar na siguradong magbibigay kasiyahan. Tara ng mamasyal dito sa Bulusan Lake at ng makita ang tunay na ganda.